သူငယ်ချင်းရေ...
အီမာန်ကိုဘာနဲ့အလဲအလှယ်လုပ်ချင်တာလဲ?
အီမာန်နဲ့တန်ဖိုးတူတဲ့အရာဘာရှိလဲ?
အစ္စလာမ်ကိုစွန့်ပြီး အခုနေပျော်နေနိုင်ကြပေမယ့်
မကြာမီအချိန်မှာသေခြင်းတရားရောက်လာမှာကိုမေ့နေတာလား?
အဲဒီအချိန်....
မျက်စိရှိမယ် သို့သော် မြင်နိုင်စွမ်းရှိမှာမဟုတ်ဘူး။
နားရှိမယ် သို့သော် ကြားနိုင်စွမ်းရှိမှာမဟုတ်ဘူး။
နှာခေါင်းရှိမယ် သို့သော် အသက်ရှူနိုင်မှာမဟုတ်ဘူး။
ပါးစပ်ရှိမယ် သို့သော် ပြောနိုင်မှာမဟုတ်ဘူး။
လက်ရှိမယ် သို့သော် ကိုင်တွယ်နိုင်မှာမဟုတ်ဘူး။
ခြေထောက်ရှိမယ် သို့သော် လမ်းလျှောက်နိုင်တော့မှာမဟုတ်ဘူး။
ဝိညာဉ်ထွက်သွားတဲ့ကိုယ်ခန္ဓာက
ဘာအလုပ်မှလုပ်မှာမဟုတ်ဘူး။
ဒါပေမယ့် အီမာန်ကတော့အလုပ်လုပ်မယ်။
ဒီအီမာန်စက္ကရားသ်အချိန်မှာ အလုပ်လုပ်မယ်။
ကလိမဟ်ဖတ်ဖို့ တိုက်တွန်းမယ်။
ဒီအီမာန်ကဗရ်မှာ အလုပ်လုပ်မယ်။ ကဗရ်ထဲမှာမေးမဲ့မေးခွန်းတွေကိုသူပြောပြမယ်။
ဒီအီမာန် ဟရှရ်မှာအလုပ်လုပ်မယ်။
အလ္လာဟ်အရှင်မြတ်ဟာ အီမာန်ရှင်ကို ဂျဟန္နမ်ငရဲမှာ ထာဝရမထားဘူး။
အဲဒီလိုရတနာကို ဘာနဲ့လဲချင်တာလဲ?
အီမာန်ကိုစွန့်ပစ်ပြီး ဒွန္နယာရဲ့အချစ်ကိုသက်သေထူတာ အဲဒါအသိဉာဏ်ရှိတဲ့သူရဲ့အလုပ်မဟုတ်ဘူး။
ဒီနေ့မင်းအီမာန်ကိုစွန့်တယ်။
နောက်နေ့မင်းအသက်ရှူခြင်းရပ်တန့်သွားရင် မင်းကိုအင်မတန်ချစ်လှပါတယ်ဆိုတဲ့သူတွေ အိမ်မှာကြာကြာထားမှာမဟုတ်ဘူး။
မင်းနောက်ကိုလိုက်ခဲ့မှာမဟုတ်ဘူး။
တစ်ယောက်တည်းခရီးဆက်ရတော့မှာ။
အကယ်၍ မင်းမှာအီမာန်မပါလာရင်
အီမာန်လက်မဲ့နဲ့ မင်းအာခိရသ်ခရီးကိုစတင်လိုက်ရမယ်။
ကဗရ်ရဲ့မှောင်မိုက်မှုမှာ မင်းကိုချစ်လှပါတယ်ဆိုတဲ့သူတွေရှိမှာမဟုတ်ဘူး။
မင်းခံရမဲ့ကဗရ်ရဲ့အဇားဗ်ထဲမှာ မင်းကိုဘယ်သူမှအကူအညီပေးမှာမဟုတ်ဘူး။
အာမခံမရှိတဲ့သက်တမ်းမှာ
နှလုံးသားကိုအလိုလိုက်ပြီး
အာခိရသ်ရဲ့ဝေစုကနေလက်မဲ့မဖြစ်ဖို့
သူငယ်ချင်းရေ....
သေခြင်းတရားကိုစဉ်းစားပါ။
အာခိရသ်ရဲ့ခရီးစဉ်ကိုတွေးတောပါ။
ရှေ့ဆက်ရမဲ့ခရီးအတွက် အီမာန်ကိုအရောင်းအ၀ယ်မလုပ်မိပါစေနဲ့။
အမှန်တရားဘက်တော်သူ
No comments:
Post a Comment